Minke Hettema en Gerrit Thomas Miedema

Minke Hettema trout te Huzum op 8 maaie yn 1918 mei mei Gerrit Thomas Miedema, soan fan Thomas Meinderts Miedema en Maaike Karsjens Kalma, dy’t buorkje te Blessum (sjoch Hettema-stambeamke).

’d Ogen houdt mijn stil gemoed
opwaarts om op God te letten

Ferloving Minke en Gerryt (Foto: F.O. Strüppert, Ljouwert)

Troufoto Minke en Gerryt (Foto: F.O. Strüppert, Ljouwert)

Minke en Gerryt buorkje op in bouboerspleats, Herema state op Dyksterhuzen ûnder Bitgummole (no Sirtemawei 6, ûnder Ingelum). Gerrit bout ek tulpen en hy hannelet allyksa yn ierdappels.
Op Dyksterhuzen wurde har bern geboaren: Thomas (Thom), de twilling Antje (Annie ) en Hette, Maaike (Zus) en Magdalena (Lenie).

Op ’e foto: f.l.n.rj.: Gerrit Thomas Miedema, Minke Hettes Hettema mei de lytse poppe – de âldste – Thom en omke Fokke Hettema.
(Foto: Jac. Bollegraf, Boschstraat 119, Winschoten)

Minke Miedema-Hettema, Thom, Hette, Maaike en Annie op Dyksterhuzen

Hette, Thom, Annie en Maaike oan it gekjaaien

De húshâlding ferfart yn 1928 nei Oosterfroma op Westerhorn ûnder Lutjegast yn Grinzerlân, in greidpleats, mei bou.

Maaike en Annie op Oosterfroma, de molkbussen moatte nei Fisflyt, it hynder wit wêr’t dat is

Hette yn ’e ierdappels, hy bekwaamt him letter yn it tulpekweken