Erfgoed Fundaasje hat in útstalling yn ’e midsiuske kelders fan it it âlde Stedhûs te Frjentsjer, Riedhúsplein 1, oer de oprjochting fan it partikuliere ierdappelhannelshûs Hettema en gernierkerij.
In ierdappelmanifestaasje hat dêr plak op 23 novimber o.s.: Us aller ierdappel – Frysk en Frij
Fierders wurde dêr oare hannelhuzen beljochte, sawol partikuliere as koperative, lykas Braaksma, Cultura en Z.P.C.
Oanlieding ta dizze tentoanstelling is dat Hannelshûs Hettema 125 jier bestien hat. Ja mear as dat. De firma wurdt offisjeel oprjochte yn 1898, mar Hette Tsjisses Hettema en syn frou Anne Fokkes van der Meer sitte al gâns langer yn ’e hannel. Sûnt har trouwen yn 1889 is Hette al keapman yn setierdappels, en ek koalrapen, sipels en earte. Anne is de motor achter it keapmanskip en fiert de administraasje.
Hette docht it sûnt 1918 wat kalmer oan fanwegen syn astma. Soan Tsjisse nimt it roer oer; yn 1922 komt Fokke – alve jier jonger – ek yn ’e saak en wurdt de namme Hettema Zonen.
Yn 1929 ferhuzet it haadkantoar nei Ljouwert. Yn 1971 nei Emmeloard. It kweekbedriuw bliuwt oant 1975 yn Bitgum ûnder lieding fan Herman Hettema.
Yn 1991 wurdt ôfskie nommen fan Zonen, Hettema wurdt NV, letter BV. En sûnt 1999 is it HZPC, nei de fúzje fan dit partikulier hannelshûs mei de koperaasje, de eardere aartsrivaal Z.P.C., de Coöperatieve Zaaizaad en Pootgoedhandel. Alle eardere inisjalen krije yn de nije namme in plak.
Op ’t stuit is HZPC: útgroeid ta ynternasjonaal merklieder op it mêd fan ierdappelferedeling, setierdappelhannel en produktûntwikkeling.
Sjoch:
It jubileumboek dat by it 125-jierrich bestean yn 2023 yn ’t Nederlâns en Ingels útjûn waard, is skreaun troch de Bitgumer Jan Hoogland en it Hettema-part stuollet op ynformaasje út it Hettema-argyf dat berêst by de Stichting Erfgoed Fundaasje.
Erfgoed Fundaasje wurke allyksa mei oan de tarieding fan it predikaat Keninklike, dy bekroaning waard takend op 27 febrewaris 2023: Keninklike HZPC.
De útstalling rint oant 1 oktober 2024, op ôfspraak iepen: info@erfgoed-fundaasje.nl
Teksten by de útstalling oer Hannelshûs Hettema en gerniers
Sjoch ek:
–125 jaar › HZPC
–Aardappel vernieuwers sinds 1898 › HZPC
–125 jaar HZPC bekroond met het predicaat Koninklijk › HZPC
–Tsjerkepaad 2024
–Solide resultaat Royal HZPC Group en aankondiging wisseling ceo
–Vertrekkend ceo Gerard Backx van HZPC: ‘We kunnen zeker nog verdubbelen in omvang’
